Երկու մարդ է մահացել Անգլիական կիսամարաթոնի ժամանակ

Tue, 15 Sep 2026 18:30:50 +0400

Երկու տղամարդ մահացել է Անգլիայում Great North Run կիսամարաթոնի ժամանակ։ Այս մասին հայտնում է Sky ՀԸ-ն։ Մահվան պատճառները ճշտվում են։ Կիսամարաթոնի կազմակերպիչները իրենց եւ մասնակիցների անունից ցավակցություն են հայտնել մահացածների ընտանիքներին եւ մտերիմներին։ Հավաստիացրել են, որ նրանց համար ներկայիս դժվարին պահին շարունակելու են հնարավորինս աջակցել նրանց։ Great North Run-ը ավանդաբար անցկացվում է սեպտեմբերի առաջին կեսին։ Այս տարվա կիսամարաթոնը թվով 45-րդն էր։ Այն տեղի էր ունեցել սեպտեմբերի 13-ին։ Հաջորդ տարվանը տեղի կունենա սեպտեմբերի 12-ին։