Ռուսաստանի հերոս գեներալի՞ են սպանել
Wed, 16 Sep 2026 12:00:12 +0400
Ռուսական պրոատերազմական մեդիառեսուրսները հաղորդել են Ռուսաստանի հերոս և Չեչնիայի հերոս, 4-րդ առանձին գվարդիական մոտոհրաձգային բրիգադի հրամանատար, գեներալ-մայոր Անտոն Գրունիսի մահվան մասին։
Այս հաղորդագրությունների համաձայն՝ Գրունիսը զոհվել է Ուկրաինայի զինված ուժերի հարվածի ժամանակ։ Նա գլխավորել է բրիգադը 2023 թվականի մայիսին՝ նախկին հրամանատար Վյաչեսլավ Մակարովի զոհվելու հետո։
Գեներալի ստորաբաժանումը անմիջականորեն մասնակցել է Դոնեցկի մարզի Կոնստանտինովկա քաղաքի համար մղվող մարտերին։
Հունիսին Գրունիսը անձամբ տեղեկացրել է Ռուսաստանի նախագահ Վլադիմիր Պուտինին Կոնստանտինովկայի գրավման մասին։
Օգոստոսի 28-ին Ռուսաստանի պաշտպանության նախարար Անդրեյ Բելոուսովը Գրունիսին շնորհել է բարձրագույն պետական պարգևը՝ Ռուսաստանի հերոսի Ոսկե աստղը՝ «զինվորական պարտքը կատարելիս ցուցաբերած քաջության և հերոսության համար»։
Ավելի վաղ ռուսական մեդիահարթակները հաղորդել են նաև ուկրաինական հրթիռային հարվածի ժամանակ գեներալ-լեյտենանտ Սերգեյ Միլչակովի զոհվելու մասին։