1938-ի քարտեզում Տիգրանաշենը ադրբեջանական անկլավ չէ

Wed, 16 Sep 2026 12:16:46 +0400

ԱԺ-ում ելույթ ունենալով՝ «Ուժեղ Հայաստան» խմբակցության պատգամավոր Գառնիկ Դավթյանը անդրադարձել է Տիգրանաշենի կարգավիճակի վերաբերյալ իշխանության ներկայացրած տեսակետներին։

Դավթյանը հայտարարել է, որ պատրաստ է ցույց տալ 1938 թվականի Հայաստանի քարտեզը, որտեղ, իր խոսքով, Տիգրանաշենը ներկայացված չէ որպես Ադրբեջանի անկլավ։

Նա նաև նշել է, որ նույնը վերաբերում է Տավուշի այն տարածքներին, որոնք իշխանության ներկայացուցիչները ներկայացնում են որպես ադրբեջանական անկլավներ։ Պատգամավորի պնդմամբ՝ 1932 թվականի քարտեզում Տավուշում նման ադրբեջանական անկլավներ նշված չեն, ինչպես նաև Տիգրանաշենը ներկայացված չէ որպես ադրբեջանական տարածք։