Ռուսաստանում մեկնարկել են Պետդումայի եռօրյա ընտրությունները: Տեղական ժամանակով ժամը 8:00-ին Կամչատկայում և Չուկոտկայում բացվել են առաջին ընտրատեղամասերը:

Որոշ՝ դժվարամատչելի և հեռավոր շրջաններում, ինչպես նաև ռազմաճակատում գտնվող զինծառայողների համար, օգոստոսի վերջից սկսվել էր վաղաժամկետ քվեարկությունը:

Կամչատկայում, սեպտեմբերի 17-ի դրությամբ, ինչպես ՏԱՍՍ-ին հայտնել են տարածաշրջանային ընտրական հանձնաժողովից, արդեն քվեարկել էր ավելի քան 11,500 ընտրող՝ 5,097-ը՝ ծովում և մոտ 6,500-ը՝ ցամաքում:

Չուկոտկայում քվեարկել է 4,054 ընտրող՝ հիմնականում երկրաբաններ, օդերևութաբաններ, եղջերուների պահապաններ, զինվորականներ և հանքագործներ:

7-րդ գումարման գործող Պետական ​​դուման իր աշխատանքները սկսել է 2021 թվականի աշնանը: Այս անգամ Ուկրաինայի օկուպացված տարածքների բնակիչները առաջին անգամ կքվեարկեն խորհրդարանական ընտրություններում:

Պետդումա է անցնելու 450 պատգամավոր՝ կեսը՝ կուսակցական ցուցակներով, մյուս կեսը՝ միամանդատ ընտրատարածքներից։ Այս տարվա քվեաթերթիկում ներկայացված է տասը կուսակցություն։