Ով կարող է լինել Ծառուկյանի հաջորդ մրցակիցը
Mon, 21 Sep 2026 19:15:25 +0400
UFC-ի նախագահ Դանա Ուայթը խոսել է թեթև քաշային կարգում հնարավոր խոշոր դիմակայության մասին, որի շրջանակում կարող են մրցել գործող չեմպիոն Ջասթին Գեյջին և հայազգի մարտիկ Արման Ծառուկյանը։
Ուայթի խոսքով՝ այս պահին մենամարտի անցկացման վերաբերյալ վերջնական որոշում չկա, քանի որ ամեն ինչ առաջին հերթին կախված է Գեյջիի ծրագրերից և որոշումից։
UFC-ի ղեկավարը նշել է, որ ինքը դեռ չի կարող հստակ ասել՝ ինչ ծրագրեր ունի գործող չեմպիոնը և արդյոք նա պատրաստ է ընդունել Ծառուկյանի մարտահրավերը։
«Տիտղոսի համար մենամարտի հարցում ամեն ինչ կախված է Գեյջիից։ Մենք դեռ պետք է հասկանանք, թե ինչ է նա ցանկանում անել։ Նա ներկա էր UFC 331-ի մրցաշարին, և այժմ պետք է սպասել, թե ինչ որոշում կկայացնի»,– նշել է Դանա Ուայթը։