Որն է աշնանային ճիշտ սննդակարգը
Mon, 21 Sep 2026 23:00:49 +0400
Աշնան հետ, երբ եղանակն արդեն սկսում է փոխվել ու ցրտել, մարդկանց մոտ սովորաբար ավելի ուժգնանում է ախորժակը։ Մարդիկ ավելի հակված են դառնում բարձր կալորիականություն ունեցող կերակրատեսակների հանդեպ։ Դա մասնագետները պայմանավորվում են եղանակային փոփոխությունների, քնի ռեժիմի հնարավոր փոփոխության, ֆիզիկական ակտիվության եւ առկա մթերքների տեսականու փոփոխության, ինչպես նաեւ՝ հնարավոր սթրեսային աճի հետ։
Սովորաբար քնի վատացումը, ակտիվության նվազումը կարող են բերել քաղցի զգացողության հատկապես երեկոյան ժամերին, երբ մարդը փորձում է այն հագեցնել քաղցրեղենով կամ ծանր կերակուրներով։ Աշնանային սեզոնին խորհուրդ է տրվում սննդառության պահերի միջեւ եղած ինտերվալները չանել շատ երկարատեւ։ Օրվա սննդակարգը դարձնել ավելի սննդարար, ավելացնելով այնպիսի մթերքներ, որոնք հարուստ են սպիտակուցներով եւ մանրաթելերով՝ միս, ձուկ, ձու, կաթնաթթվային մթերքներ, հատիկեղեն եւ բանջարեղեններ։ Դրանք օգնում են պահպանելու հագեցածության զգացողությունը։ Բացի այդ, խորհուրդ է տրվում խուսափել սթրեսներից եւ գերհոգնածությունից, քանի որ այդ իրավիճակներում էլ մարդու մոտ ուտելու ցանկություն կարող է առաջանալ։ Միաժամանակ հնարավոր շատակերությունից խուսափելու համար՝ խորհուրդ է տրվում սննդառությունը սահմանափակել աստիճանաբար։ Կտրուկ սահմանափակումները եւս վնասակար են, ասում են մասնագետները։