Էրդողանը Փաշինյանին հրավիրել է Թուրքիա

Thu, 24 Sep 2026 09:30:13 +0400

ՄԱԿ գլխավոր ասամբլեայի 81-րդ նստաշրջանի շրջանակում Նյու Յորքի «Թուրքական տանը» կայացել է Հայաստանի վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի հանդիպումը։ Կողմերը քննարկել են Թուրքիայի և Հայաստանի միջև շփումները, ինչպես նաև տարածաշրջանային և գլոբալ հարցեր։

Այս մասին հայտնում է Ermenihaber-ը՝ հղում անելով Anadolu գործակալությանը։

Ըստ տեղեկության, Էրդողանը նշել է, որ Թուրքիան աջակցում է Թուրքիայի և Հայաստանի երկկողմ առևտրի և տրանսպորտի ոլորտում հարաբերությունների կարգավորման գործընթացին, և ընդգծել հարաբերություններում ձեռք բերված դրական դինամիկան պահպանելու կարևորությունը։

Անդրադառնալով Հայաստան-Ադրբեջան հարաբերություններին՝ Էրդողանը նշել է, որ Թուրքիան ողջունում է Ադրբեջանի և Հայաստանի խաղաղության գործընթացում ձեռնարկված փոխադարձ քայլերը։ Էրդողանը նաև նշել է, որ միջազգային կազմակերպություններում Հայաստանի հետ աճող համագործակցությունը նպաստում է կարգավորման գործընթացին, և հրավիրել է Փաշինյանին Թուրքիայում կայանալիք «COP31»-ի առաջնորդների գագաթնաժողովին։

Հանդիպմանը ներկա են գտնվել երկու երկրների արտգործնախարարները՝ Արարատ Միրզոյանն ու Հաքան Ֆիդանը։