Անտեղյա՞կ են
Thu, 24 Sep 2026 21:45:50 +0400
Տավուշի մարզպետ Հայկ Ղալումյանին հարցրել եմ՝ սեպտեմբերի 11-ի դրությամբ Տավուշի մարզում փայտածուխի արտադրության քանի՞ արտադրամաս է գործում, ո՞ր համայնքում՝ քանի՞ հատ։ Մարզպետի աշխատակազմից պատասխանել են․ «ՀՀ Տավուշի մարզում փայտածուխի արտադրամասերի թվի վերաբերյալ առաջարկում ենք դիմել ՀՀ բնապահպանության և ընդերքի տեսչական մարմնին»:
Եթե Տավուշի մարզպետն ու իր աշխատակազմը չգիտեն, թե մարզում քանի փայտածուխի արտադրամաս է գործում, ապա ինչո՞ւ է Տավուշի մարզպետի աշխատակազմում գործում գյուղատնտեսության և շրջակա միջավայրի պահպանության վարչությունը։ Փայտածուխի արտադրամասերը շրջակա միջավայրին մեծ վնաս են հասցնում, օդն աղտոտում, ուստի մենք լիարժեք իրավունք ունենք տեղեկանալու դրանց քանակի եւ տեղակայման մասին ու հաղորդելու մեր ընթերցողներին։