«Հրապարակ»․ ՊՆ-ն ուսումնասիրում է զինծառայողների վարկերը
Fri, 25 Sep 2026 08:00:34 +0400
Սեպտեմբերի 24-ին Սիսիանում հերթական զինծառայողն է մահացել: Նախնական տեղեկություններով, վիճաբանություն է տեղի ունեցել զինծառայողների միջեւ, ապա նռնակ է պայթել։ Մահացածը պայմանագրային զինծառայող էր՝ 2022 թվականից։
Մեր տեղեկություններով` վիճաբանությունը տեղի է ունեցել զինվորների միջեւ ծագած ֆինանսական հարցերի հետ կապված: Բանակի մեր աղբյուրը պնդում է, որ կատարվածից հետո բոլոր զինվորականներից պահանջել են անխտիր ներկայացնել, թե ով որքան վարկ ունի, ինչը, փաստորեն, նման ողբերգությունների պատճառ է դառնում: Սակայն այս պահանջը զինվորականների շրջանում մեծ դժգոհություն է առաջացրել, նրանք կարծում են, որ պաշտպանության նախարարությունն իրավունք չունի միջամտելու իրենց անձնական կյանքին եւ ֆինանսական գաղտնիք պարունակող տեղեկություններ պահանջել: