Հայաստանում Ֆրանսիայի դեսպան Օլիվիե Դեկոտինյիին սեպտեմբեր ամսին նոր դեսպան է փոխարինել` Ֆլորիան Էսկյուդիեն, ով ֆրանսիացի բարձրաստիճան դիվանագետ է, սակայն մինչև Հայաստանում Ֆրանսիայի դեսպան նշանակվելը, երբեւէ դեսպանատուն չի ղեկավարել, զբաղեցրել է բարձրաստիճան դիվանագիտական և քաղաքական այլ պաշտոններ Ֆրանսիայի արտաքին գործերի և զինված ուժերի նախարարություններում, ինչպես նաև միջազգային կառույցներում (օրինակ՝ ՆԱՏՕ-ում): Նա ավարտել է Փարիզի հեղինակավոր Բարձրագույն նորմալ դպրոցը (École normale supérieure – Ulm)։

Ունի Փարիզի Քաղաքական հետազոտությունների ինստիտուտի դիպլոմ, պատմության մագիստրոսի կոչում է ստացել Պանթեոն-Սորբոն համալսարանում (Université Panthéon-Sorbonne)։

Ֆլորիան Էսկյուդիեն Ֆրանսիայի արտաքին գործերի նախարարությունում իր աշխատանքը սկսել է 2004 թ. հունվարից։

• 2004–2007 թթ. Եղել է ԱԳՆ ռազմավարական հարցերի վարչությունում ՆԱՏՕ-ի և եվրոպական պաշտպանության հարցերով պատասխանատու։
• 2007–2010 թթ.՝ Առաջին քարտուղար տարբեր դիվանագիտական առաքելություններում։
• 2010–2013 թթ.՝ Բրյուսելում ՆԱՏՕ-ի կենտրոնակայանում Ֆրանսիայի ներկայացուցչության անդամ։
• 2013–2015 թթ.՝ ԱԳՆ գլոբալիզացիայի գլխավոր տնօրենին կից G7 և G20 հարցերով լիազոր ներկայացուցիչ, ապա միջազգային տնտեսական հարցերի փոխտնօրեն։
• 2015–2017 թթ.՝ Ֆրանսիայի արտաքին գործերի նախարարների (Լորան Ֆաբիուսի, ապա՝ Ժան-Մարկ Էյրոյի) կաբինետում տնտեսական դիվանագիտության, գլոբալ հարցերի և զարգացման գծով խորհրդական։
• 2022–2023 թթ.՝ Ֆրանսիայի Եվրոպայի և արտաքին գործերի նախարարության «Դիվանագիտության գլխավոր ասամբլեայի» (États généraux de la diplomatie) գլխավոր քարտուղար։
• 2023–2026 թթ.՝ Ֆրանսիայի զինված ուժերի նախարարությունում (Ministère des Armées) վերլուծության և ռազմավարության գծով գլխավոր քարտուղարի տեղակալ։
• 2026 թ. սեպտեմբերից՝ Հայաստանի Հանրապետությունում Ֆրանսիայի արտակարգ և լիազոր դեսպան (սա նրա առաջին առաքելությունն է որպես դեսպանատան ղեկավար)։

Դեսպանը մի առիթով նշել է, որ մանկուց տպավորված է եղել հայկական մշակույթով ու խոհանոցով, իսկ նրա անձնական նպատակներից մեկը Հայաստանում գտնվելու ընթացքում Արագած լեռան գագաթը բարձրանալն է։ Նա այժմ հանդիպումներ է ունենում ՀՀ պաշտոնատար անձանց հետ, այսպես կոչված` ծանոթանալու փուլն է: