Ներկայացրել է բանակցային փակուղու հաղթահարման ուղիները

Sun, 27 Sep 2026 15:00:29 +0400

Իրանի ԱԳ նախարար Աբաս Արաղչին հայտարարել է, որ միայն Միացյալ Նահանգների հետ բանակցություններով է հնարավոր հաղթահարել Հորմուզի նեղուցի հետ կապված ստեղծված փակուղին։ «Մեր պայմանները հստակ են եւ ցանկացած շարժ, որ միտված է Հորմուզի նեղուցի բացմանը, կախված է այդ պայմանների կատարումից։ Միայն բանակցությունների ճանապարհով է հնարավոր դուրս գալ փակուղուց»,- տելեգրամյան իր ալիքում գրել է նախարար Արաղչին։ Նա նաեւ ասել է, որ միջնորդները դեռ չեն փոխանցել Թեհրանին Վաշինգտոնի վերջնական կեցվածքի մասին փաստաթուղթը։ Թեհրանը, ըստ նրա, որոշում կկայացնի ամերիկյան կողմի դիրքորոշումը պաշտոնապես միջնորդներից ստանալուց հետո։