Ինչի համար է նախկին եպիսկոպոսը դատապարտվել 6,5 տարվա ազատազրկման
Sat, 10 Oct 2026 11:00:04 +0400
Ավստրալիայում, Պերտա քաղաքյի շրջանային դատարանը Քրիսթոֆեր Սոնդերսին, ով հանդիսանում է Կաթոլիկ եկեղեցու նախկին եպիսկոպոս, դատապարտել է 6,5 տարվա ազատազրկման՝ երիտասարդ տղամարդկանց հանդեպ գործադրած սեքսուալ բռնությունների համար։ Այս մասին հայտնում է ABC News-ը։ Սոնդերսը դարձել է ամենից բարձր եկեղեցական աստիճան ունեցած անձերից մեկը, ով նման գործողությունների համար դատապարտվել է ազատազրկման՝ ողջ աշխարհի մակարդակով։ Սոնդերսը Բրում քաղաքի եպիսկոպոսն է եղել Արեւմտյան Ավստրալիայում՝ 1996-2020 թվականներին։
Նրա կողմից իրականացված անառակաբարո եւ սեքսուալ բռնության գործողությունների մասին իրավապահներին տեղեկացրել է նրա քարտուղար Շերիլ Քվիթլին՝ 2018 թվականին։ 20 թվականին եպիսկոպոսին ներկայացվել են առաջին մեղադրանքները։ Նա ստիպված է եղել պաշտոնաթող լինել։ Այն ժամանակ հետաքննությունը կասեցվել է՝ հանցանշանների եւ ապացույցների անբավարարության հետեւանքով։ Հռոմի Ֆրանցիսկոս Պապը ներքին կարգապահական հետաքննություն սկսելու որոշում է սակայն կայացրել։ Հետաքննությունը բացահայտել է Սոնդերսի մեղավորությունն ապացուցող ապացույցներ։ 26 թվականի օգոստոսին նա 12 հանցադրվագում մեղավոր է ճանաչվել։ Նրա գործողությունների հետեւանքով տուժածների շարքում կան նաեւ ավստրալացի երկու տեղաբնիկներ։ Ուշագրավ է այն, որ մինչեւ 2031 թվականի փետրվար ամիսը ներառյալ՝ Սոնդերսը նաեւ չի կարողանա դիմել վաղաժամ-պայմանական ազատման համար։