«Մեզ էշի տե՞ղ եք դրել»
Tue, 13 Oct 2026 11:39:53 +0400
Երևանի ավագանու նիստում ընդդիմադիր Պեդրո Զարոկյանը հարց է բարձրացրել օրակարգում ընդգրկված նախագծերի ներկայացման կարգի վերաբերյալ՝ դժգոհելով, որ զեկուցվող է ընտրվել միայն հաշմանդամություն ունեցող անձանց արտոնություններին վերաբերող նախագիծը, մինչդեռ մյուս՝ ավելի քան 20 հարցերը չեն ներկայացվում զեկուցմամբ։
«Ինչպե՞ս է հաշմանդամություն ունեցողների համար արտոնության հարցը դարձել զեկուցվող, մնացած քսանից ավելի հարցերը՝ ոչ։ Ինչպե՞ս եք որոշում՝ ո՞րն է ձեր ստանդարտը, թե՞ մեզ ընդհանրապես էշի տեղ եք դրել՝ ոչ մի հարց չքննարկենք, գնանք տուն»,- հայտարարել է Զարոկյանը։
Երևանի փոխքաղաքապետ Սուրեն Գրիգորյանը, պատասխանելով ընդդիմադիր ավագանու անդամին, նշել է, որ նախագծերը զեկուցվող կամ չզեկուցվող համարելու որոշումը կայացվում է՝ հաշվի առնելով հանրությանը տեղեկացնելու անհրաժեշտությունը։