«Լավ սովորեիր, նիկոլական չէիր լինի»
Tue, 13 Oct 2026 13:04:38 +0400
Գրել էինք, որ Աջափնյակի Շինարարների փողոցում կրպակների ապամոնտաժման աշխատանքների ընթացքում լարված իրավիճակ է ստեղծվել թաղապետ Սերոբ Սարգսյանի և տնտեսվարողներից մեկի միջև։ Քաղաքացին, դիմելով թաղապետին, նրան «օբիժնիկ» էր անվանել՝ դժգոհություն հայտնելով կրպակների ապամոնտաժման աշխատանքներից։
Ի պատասխան՝ Սերոբ Սարգսյանը քաղաքացուն ասել է, թե իր տպավորությամբ նա էլ «Քոչարյանի դեմք ունի»՝ կոչ անելով չափավորել խոսքը։ Վիճաբանության ընթացքում կողմերը միմյանց հասցեին փոխադարձ կոշտ արտահայտություններ են հնչեցրել։
Միջադեպի ընթացքում մեկ այլ քաղաքացի ևս միջամտել է խոսակցությանը՝ դիմելով թաղապետին և բղավելով. «Լավ սովորեիր, նիկոլական չէիր լինի»։
Սերոբ Սարգսյանն էլ արձագանքել է՝ ասելով. «Կպի գործերիդ հլը, արա»։