Մտել հաց է կերել, հետո պառկել, քնել է
Fri, 16 Oct 2026 09:57:41 +0400
Ալեն Սիմոնյանը համաձայն չէ Շաքիում հայտնված ադրբեջանցի զինվորի գործողությունները «ներխուժում» որակելու հետ։ Նրա պնդմամբ՝ զինվորը պարզապես մոլորվել է և հայտնվել իրեն անծանոթ տարածքում։
Լրագրողների հետ զրույցում Սիմոնյանը շեշտել է, որ ադրբեջանական կողմը դեռ սկզբնական փուլում տեղեկացրել է զինծառայողի անհետանալու մասին։
Անդրադառնալով հարցին, թե ինչու զինվորը, եթե իսկապես մոլորվել էր, ինքնակամ չէր ներկայանում Հայաստանի իշխանություններին, ԱԽՔ քարտուղարը նշել է, որ նա պարզապես սնունդ է փնտրել։
Սիմոնյանի ներկայացմամբ՝ զինվորը մտել է դատարկ տուն, այնտեղ հաց կերել, ապա պառկել և քնել։ Նա նաև ենթադրել է, որ ադրբեջանցին կարող էր վիրավոր լինել կամ առողջական խնդիրներ ունենալ։
ԱԽ քարտուղարը տեղի ունեցածը բնութագրել է որպես սովորական քրեական իրավախախտում՝ ընդգծելով, որ «ներխուժում» եզրույթը, իր ընկալմամբ, ենթադրում է դիմադրություն և պայքար: