Մանրամասներ՝ Պուտին-Ուիտկոֆ պետերբուրգյան ջերմ հանդիպումից

Մանրամասներ՝ Պուտին-Ուիտկոֆ պետերբուրգյան ջերմ հանդիպումից

Wed, 21 Oct 2026 15:30:19 +0400


Սանկտ Պետերբուրգում՝ ԱՄՆ հատուկ դեսպանորդ Սթիվ Ուիտկոֆի հետ հանդիպման ժամանակ Ռուսաստանի նախագահ Վլադիմիր Պուտինը առաջարկել է քննարկել Դոնալդ Թրամփի հետ Չինաստանում անձնական բանակցությունների հնարավորությունը։

«Այս և այլ թեմաներ, անշուշտ, կարող են լինել մեր այսօրվա մտեքերի փոխանակման կիզակետը, այդ թվում՝ Չինաստանի Ժողովրդական Հանրապետությունում հնարավոր հանդիպումը։ Այստեղ կան նաև որոշ նկատառումներ, որոնք ես կցանկանայի կիսվել ձեզ հետ», – ասել է Պուտինը՝ դիմելով ամերիկացի դեսպանին։

Ուիտկոֆն իր հերթին հայտարարել է, որ Ռուսաստան է բերել փաստաթղթերի փաթեթ, որոնք ուրվագծում են Ուկրաինայի հակամարտության խաղաղ կարգավորման ամերիկյան մոտեցումները։ Ինչպես ընդգծել է Ռուսաստանի առաջնորդի մամուլի քարտուղար Դմիտրի Պեսկովը, նախագահ Պուտինը մանրակրկիտ կուսումնասիրի և կգնահատի Սպիտակ տան հատուկ դեսպանորդի կողմից ներկայացված բոլոր նախաձեռնությունները։ Ռուսական կողմից Կոնստանտինյան պալատում խորհրդակցություններին մասնակցում է նաև Ռուսաստանի ուղիղ ներդրումների հիմնադրամի ղեկավար, նախագահի հատուկ ներկայացուցիչ Կիրիլ Դմիտրիևը։

Բանակցությունների ընթացքում հայտարարվել է Ռուսաստանում բանտարկված ԱՄՆ քաղաքացի Սթիվեն Հաբարդին ազատ արձակելու՝ Մոսկվայի որոշման մասին։ Կրեմլի խոսնակը բացատրել է, որ Հաբարդի ազատ արձակման հարցը բազմիցս բարձրացվել է ամերիկյան կողմից, և Ռուսաստանի առաջնորդը ազատ արձակելու վճիռն ընդունել է բացառապես մարդասիրական պատճառներով։

Դոնալդ Թրամփի հատուկ բանագնացը շնորհակալություն է հայտնել Ռուսաստանի առաջնորդին այս քայլի համար։ «Դուք այնքան շատ եք խոսում այն ​​մասին, թե ինչպես է իմ նախագահը, նախագահ Թրամփը, հումանիստ։ Դուք նույնպես հումանիստ եք, պարոն, և ես գովաբանում եմ ձեզ դրա համար։ Ես իմ հարգանքն եմ հայտնում ձեզ և կրկին շնորհակալություն եմ հայտնում», – ընդգծել է Ուիտկոֆը։

© 2026 Հրապարակ

Source: Hraparak

Hraparak.am

Share
Published by
Hraparak.am

Recent Posts

Այ փսլնքոտներ, ո՞ւր էիք, երբ մենք ժողովրդավարության կղզի էինք

Այ փսլնքոտներ, ո՞ւր էիք, երբ մենք ժողովրդավարության կղզի էինք Mon, 16 Nov 2026 14:47:35 +0400…

31 րոպե ago

Ինչու՞ է դատարանով զրպարտիչ ճանաչված անձը դարձել Հ1-ի փոփ աստղը․․․

Ինչու՞ է դատարանով զրպարտիչ ճանաչված անձը դարձել Հ1-ի փոփ աստղը․․․ Mon, 16 Nov 2026 14:45:57…

32 րոպե ago

Ադրբեջանցի զինվորին բամբակի մեջ էին պահում, իսկ Արսեն Գևորգյանին` անմարդկային պայմաններում

Ադրբեջանցի զինվորին բամբակի մեջ էին պահում, իսկ Արսեն Գևորգյանին` անմարդկային պայմաններում Mon, 16 Nov 2026…

34 րոպե ago

Եթերից մի հատված դուրս է մնացել. Բորիս Մուրազին` Հ1-ի եթերում ծեծկռտուքի մասին

Եթերից մի հատված դուրս է մնացել. Բորիս Մուրազին` Հ1-ի եթերում ծեծկռտուքի մասին Mon, 16 Nov…

50 րոպե ago

Ո՞նց եք պատկերացնում, որ այս իշխանության արդարադատության նախարարը ասեր՝ մենք մեղավոր ենք

Ո՞նց եք պատկերացնում, որ այս իշխանության արդարադատության նախարարը ասեր՝ մենք մեղավոր ենք Mon, 16 Nov…

53 րոպե ago

Կմնա՞ Մելիքյանը, թե՞ ոչ

Կմնա՞ Մելիքյանը, թե՞ ոչ Mon, 16 Nov 2026 14:15:31 +0400 Հայաստանի ֆուտբոլի ազգային հավաքականն ավարտեց…

1 ժամ ago