Ինչու մեկ օր անց միայն հայտնեցին Տավուշի սահմանը հատած ադրբեջանցու մասին

Thu, 22 Oct 2026 12:07:23 +0400

Ադրբեջանի քաղաքացու՝ Տավուշի ուղղությամբ Հայաստանի սահմանը հատելու դեպքի վերաբերյալ պետական մարմիններից պաշտոնական հաղորդագրություն ստանալու համար պահանջվել է շուրջ 24 ժամ։ Այս մասին հայտարարել է ԱԺ նախկին պատգամավոր, ՀՀԿ ԳՄ անդամ Տիգրան Աբրահամյանը։

Նրա խոսքով՝ միջադեպի մասին մի ամբողջ օր տարբեր տեղեկություններ էին տարածվում քաղաքացիների, համայնքային պաշտոնյաների և լրատվամիջոցների միջոցով, մինչդեռ պետական կառույցները սահմանված կարգով հաղորդագրություն փոխանցել են միայն մեկ օր անց։

«Սա է տեղեկատվական անվտանգության ապահովման և դրա վերաբերյալ պատկերացումների իշխանության մակարդակը, որտեղ տարրական օպերատիվության և տեղեկատվական ռիսկերի կառավարման մեխանիզմներ գոյություն չունեն»,- ասել է նա: