Սամվել Թադևոսյանն արժանացել է «Ոսկե գլոբուսի» Beacon Award մրցանակին

Mon, 26 Oct 2026 10:59:38 +0400

Դերասան Սամվել Թադևոսյանը, որը մեծ ճանաչում ձեռք բերեց «Կյանք ու կռիվ» ֆիլմից հետո, արժանացել է «Ոսկե գլոբուսի» Beacon Award մրցանակի, որը շնորհվում է այս տարվանից։

Մրցանակը 33-ամյա դերասանին հանձնվել է արածաշրջանային նոր նախագծի՝ «Silk Road Tribute Gala»-ի («Մետաքսի ճանապարհ» պատվո գալա-երեկո) շրջանակներում, որն անցկացվել է Ուզբեկստանի մայրաքաղաք Տաշքենդում։

Պատմության մեջ առաջին անգամ Beacon Award-ը շնորհվում է Կենտրոնական Ասիայի և Կովկասի տարածաշրջանի կինոյի ու հեռուստատեսության ոլորտներում նոր սերնդի տաղանդավոր, խոստումնալից արտիստներին խրախուսելու համար։

Կենտրոնական Ասիայի տարածաշրջանից մրցանակը ստացել է դերասանուհի Շուգիլա Եշենը (Ղազախստան)։