Ամեն անգամ արտերկրից գալիս դեղ ենք բերում մտերիմներին. ո՞նց է սա լուծվելու

Ամեն անգամ արտերկրից գալիս դեղ ենք բերում մտերիմներին. ո՞նց է սա լուծվելու

Fri, 30 Oct 2026 11:57:58 +0400


Կաթնամթերքի արտադրող ընկերությունների նկատմամբ կիրառված տուգանքների և սպառողների իրավունքների պաշտպանության հարցը բարձրացրել է «Հայաստան» խմբակցության պատգամավոր Մեսրոպ Մանուկյանը՝ Մրցակցության և սպառողների շահերի պաշտպանության հանձնաժողովի անդամի թեկնածու Շուշան Սարգսյանի թեկնածության քննարկման ժամանակ։

Մանուկյանը հիշեցրել է, որ օգոստոսին հանձնաժողովը հինգ կաթնամթերք արտադրող ընկերությունների տուգանել էր ընդհանուր 16 միլիոն դրամով։ Ստուգումների արդյունքում պարզվել էր, որ նրանց արտադրած պանրի և թթվասերի մեջ կաթնայուղի պարունակությունը սահմանված նվազագույն ցուցանիշից մի քանի անգամ ցածր է եղել։

Պատգամավորը հետաքրքրվել է, թե տուգանքների կիրառումից բացի ինչպե՞ս են վերականգնվելու այն քաղաքացիների իրավունքները, որոնք արդեն ձեռք են բերել պահանջներին չհամապատասխանող արտադրանքը։

Շուշան Սարգսյանի խոսքով՝ սպառողները կարող են իրենց իրավունքների պաշտպանության համար դիմել «Սպառողի օգնական» հարթակին, ինչպես նաև օգտվել դատական պաշտպանության հնարավորությունից։ Նա ընդգծել է, որ նման խախտումները կարող են վերաբերել անորոշ թվով սպառողների, ինչի պատճառով հնարավոր չէ պարզել բոլոր այն անձանց շրջանակը, որոնք ձեռք են բերել տվյալ արտադրանքը։ Սակայն համապատասխան ապացույցներ ունեցող յուրաքանչյուր քաղաքացի կարող է օրենքով սահմանված կարգով պաշտպանել իր իրավունքները։

Մեսրոպ Մանուկյանն անդրադարձել է նաև դեղերի շուկային՝ բարձրացնելով դրանց որակի, գների և սպառողների շահերի պաշտպանության խնդիրները։ Նա նշել է, որ հաճախ ստիպված է լինում արտերկրից դեղեր բերել հարազատների և ծանոթների համար՝ հետաքրքրվելով, թե ինչ փոփոխություններ են անհրաժեշտ քաղաքացիներին որակյալ դեղորայքի հասանելիությունն ապահովելու համար։
Ի պատասխան՝ Շուշան Սարգսյանը պարզաբանել է, որ դեղերի որակի վերահսկողությունը հանձնաժողովի լիազորությունների շրջանակում չէ։ Այդ գործառույթն իրականացնում են ոլորտի պատասխանատու լիազոր և տեսչական մարմինները։ Միևնույն ժամանակ, նրա խոսքով, հանձնաժողովն ուսումնասիրում է դեղերի շրջանառության ոլորտում մրցակցային պայմանների բարելավմանն ու գնագոյացմանը վերաբերող հարցերը։

© 2026 Հրապարակ

Source: Hraparak

Hraparak.am

Recent Posts

Սպասվում են տեղումներ, քամու ուժգնացում

Սպասվում են տեղումներ, քամու ուժգնացում Sun, 22 Nov 2026 09:00:25 +0400 Երևան քաղաքում՝ Նոյեմբերի 22-ին,…

22 րոպե ago

Պատանի մարմնամարզիկ Գրիշա Սարգսյանը 2 ոսկե մեդալ է նվաճել

Պատանի մարմնամարզիկ Գրիշա Սարգսյանը 2 ոսկե մեդալ է նվաճել Sat, 21 Nov 2026 23:44:40 +0400…

10 ժամ ago

ՆԳՆ-ից պահանջել եմ անձնագրիս մեջ ծննդավայրս չնշել Ադրբեջան, եթե մերժեն՝ կդիմեմ ՄԻԵԴ

ՆԳՆ-ից պահանջել եմ անձնագրիս մեջ ծննդավայրս չնշել Ադրբեջան, եթե մերժեն՝ կդիմեմ ՄԻԵԴ Sat, 21 Nov…

10 ժամ ago

Մակոլեյ Կալկինը նորից հանդես կգա «Տանը միայնակ» շարքի նոր կինոնկարում

Մակոլեյ Կալկինը նորից հանդես կգա «Տանը միայնակ» շարքի նոր կինոնկարում Sat, 21 Nov 2026 23:00:29…

10 ժամ ago

ՀԷՑ-ը ստոլբեն լավ գնով չէր առել․ Նարեկ Կարապետյանը հեգնում է Փաշինյանին

ՀԷՑ-ը ստոլբեն լավ գնով չէր առել․ Նարեկ Կարապետյանը հեգնում է Փաշինյանին Sat, 21 Nov 2026…

11 ժամ ago

Ինչ է սպասվում թվարժութային գլոբալ շուկային՝ նոյեմբերին

Ինչ է սպասվում թվարժութային գլոբալ շուկային՝ նոյեմբերին Sat, 21 Nov 2026 22:30:02 +0400 Ընթացի կտարվա…

11 ժամ ago