Ինչ է քննարկվում ԱԺ-ում. մանրամասներ
Fri, 06 Nov 2026 11:10:46 +0400
Ազգային ժողովում մեկնարկել է Տնտեսական հարցերի և Ֆինանսավարկային ու բյուջետային հարցերի մշտական հանձնաժողովների համատեղ նիստը։
Քննարկման առանցքում «Հայաստանի Հանրապետության 2027 թվականի պետական բյուջեի մասին» օրենքի նախագծով նախատեսված եկամուտներն ու ծախսերն են՝ մի շարք տնտեսական ուղղություններով։
Մասնավորապես, անդրադարձ է կատարվում արդյունաբերության, գյուղատնտեսության, քաղաքաշինության, կապի և հեռահաղորդակցության, ինտերնետի, արտադրական ենթակառուցվածքների, զբոսաշրջության, առևտրի և ծառայությունների ոլորտներին։ Օրակարգում են նաև ձեռնարկատիրական գործունեության, սակագների, ներդրումների, տնտեսական մրցակցության, հակամենաշնորհային քաղաքականության և անշարժ գույքի կադաստրի հետ կապված հարցերը։