Ինչքան ժամանակ ունի Թրամփը՝ Իրանի դեմ նոր ռազմական գործողություն իրականացնելու համար
Sun, 08 Nov 2026 11:30:51 +0400
ԱՄՆ նախագահ Դոնալդ Թրամփի խորհրդականների մի մասը կարծում է, որ նախագահն ունի ութ շաբաթ ժամանակ՝ Իրանի դեմ մասշտաբային նոր ռազմական գործողություն իրականացնելու համար։ Այս մասին հայտնում է NBC News-ը։ Համաձայն հաղորդման, այն բանից հետո, երբ նոյեմբերի երեքին տեղի ունեցած Կոնգրեսի միջանկյալ ընտրությունների հետո, դեմոկրատները վերահսկողություն են ստացել երկու պալատներում, արդեն հունվարին հնարավոր է սկսվի հետաքննություն Թրամփի Իրանական ռազմարշավի վերաբերյալ եւ կարող է ընդունվի հատուկ բանաձեւ, որը կպարտավորեցնի դադարեցնել ռազմական գործողությունները։ Հետեւաբար՝ նախագահը ռազմական գործողություններն ընդդեմ Իրանի, վերսկսելու համար ունի ութ շաբաթ։ Ռազմական գործողությունները վերսկսելու եւ ընդլայնելու կողմնակիցներից հատկապես նշվում է Պենտագոնի ղեկավար Փիթ Հեգսեթի անունը։ Որոշ խորհրդականներ էլ կարծում են, որ հիմա նպատակահարմար չէ ռազմական գործողությունը վերսկսել, քանի որ այդ դեպքում խաղաղության հասնելու ջանքերը կարող են ի չիք դառնալ։