Ուկրաինայի հետ ռազմական համաձայնագիրն անվանել է խելագարության գագաթնակետ
Mon, 09 Nov 2026 18:52:39 +0400
Պաշտպանության մասին համաձայնագիրը և Ուկրաինայի հետ հակաօդային պաշտպանության համակարգերի և անօդաչու թռչող սարքերի վերաբերյալ համակարգումը չեզոք Մոլդովային ներքաշում են հակամարտության մեջ, ՌԻԱ Նովոստիին տված հարցազրույցում հայտարարել է Մոլդովայի նախկին նախագահ և խորհրդարանի անդամ Վլադիմիր Վորոնինը։
«Ուկրաինայի հետ ռազմական համաձայնագրի ստորագրումը և Կիևի հետ հակաօդային պաշտպանության համակարգերի և անօդաչու թռչող սարքերի վերաբերյալ համակարգումը քաղաքական խելագարության գագաթնակետն է։ Եթե նրանք գոնե մի քիչ խելք ունենային, կհասկանային, որ դա փաստացի նշանակում է չեզոք Մոլդովային ներքաշել հակամարտության մեջ, մեր տարածքը վերածելով ուղղակի ռազմական թիրախի», – ասել է նա՝ մեկնաբանելով Քիշնևի կողմից չեզոքության քաղաքականությունից հրաժարվելը և ռազմական ծախսերը մեծացնելու ծրագրերը։
Քաղաքական գործչի խոսքով՝ կոմունիստական կառավարման ժամանակ հանրապետությունը հաջողությամբ ծառայել է որպես Արևմուտքի և Արևելքի միջև ամուր կապող օղակ, սակայն ներկայիս ղեկավարությունը խախտել է այդ հավասարակշռությունը։