Բա ո՞վ է ծառայելու

Բա ո՞վ է ծառայելու

Mon, 16 Nov 2026 12:52:29 +0400


«Հայաստան» խմբակցության պատգամավոր Գեղամ Մանուկյանը մտահոգություն է հայտնել պարտադիր զինվորական ծառայությունից քաղաքացիների առանձին խմբերին ազատելու օրենսդրական նախաձեռնությունների առնչությամբ՝ ընդգծելով, որ նման մոտեցումը կարող է խորացնել բանակում ծառայողների թվի նվազման խնդիրը։

ԱԺ պաշտպանության և անվտանգության հարցերի մշտական հանձնաժողովի նիստում նա հիշեցրել է, որ նախկին իշխանություններին քննադատում էին այսպես կոչված «բանվորագյուղացիական բանակ» ձևավորելու համար, մինչդեռ ներկայումս քննարկվող օրենսդրական փոփոխությունները, նրա գնահատմամբ, ավելի են խորացնում այդ խնդիրը։

Պատգամավորը նշել է, որ արդեն շրջանառության մեջ է դրվել երկու նախաձեռնություն․ դրանցից մեկով առաջարկվում է պարտադիր զինվորական ծառայությունից ազատել աշխարհի 50 լավագույն բուհերի շրջանավարտներին, իսկ մյուսով ՆԳՆ-ն առաջարկում է նույն արտոնությունը տարածել ոստիկանական և փրկարար ծառայության ընդունված անձանց վրա։

«Բա ո՞վ է գնալու բանակ ծառայելու, ո՞վ»,- հարցադրում է արել Մանուկյանը։

Նա կանխատեսել է, որ այս տրամաբանության շարունակության դեպքում տարբեր ոլորտների ներկայացուցիչներ նույնպես կարող են պահանջել նման արտոնություններ։ Որպես օրինակ՝ պատգամավորը նշել է, որ ապագայում կարող են առաջարկվել բացառություններ նաև զբոսաշրջության ոլորտի մասնագետների, «Միշլեն» մրցանակակիր խոհարարների կամ թունելագործների համար։

Իր դիրքորոշումը հիմնավորելու համար Մանուկյանը հիշատակել է նաև որդու օրինակը, որը Հորդանանում կրթաթոշակով սովորելու հնարավորություն ունենալով՝ վերադարձել է Հայաստան և անցել պարտադիր զինվորական ծառայություն։

Նրա խոսքով՝ որևէ էական ձեռքբերում չէր լինի, եթե որդին բանակում ծառայելու փոխարեն մեկնած լիներ արտերկիր՝ շարունակելու ուսումը։

Մանուկյանի համոզմամբ՝ աշխարհի լավագույն բուհերից մեկում ընդունվելը չպետք է ինքնաբերաբար ազատման հիմք դառնա պարտադիր զինվորական ծառայությունից։ Նա կարծում է, որ նման կրթական հնարավորություն ունեցող քաղաքացիները կարող են նախ կատարել զինվորական պարտքը, ապա շարունակել ուսումը բուհում։

© 2026 Հրապարակ

Source: Hraparak

Hraparak.am

Recent Posts

Ընդդիմությանը ուզում են վախեցնել, շանտաժ անել, գործարք են առաջարկում

Ընդդիմությանը ուզում են վախեցնել, շանտաժ անել, գործարք են առաջարկում Tue, 17 Nov 2026 14:41:53 +0400…

33 րոպե ago

Հանրայինին գրոհ է սպառնում․ Տաթեւը ձեռնամարտ է պարապում․․․

Հանրայինին գրոհ է սպառնում․ Տաթեւը ձեռնամարտ է պարապում․․․ Tue, 17 Nov 2026 13:45:48 +0400 Պարզվում…

1 ժամ ago

ԵՄ-ն քննարկում է պատերազմի մասնակից ռուսների մուտքի արգելքը Շենգենյան գոտի

ԵՄ-ն քննարկում է պատերազմի մասնակից ռուսների մուտքի արգելքը Շենգենյան գոտի Tue, 17 Nov 2026 13:30:16…

2 ժամ ago

Ավինյանը՝ Աննա Հակոբյանի հայտարարության մասին

Ավինյանը՝ Աննա Հակոբյանի հայտարարության մասին Tue, 17 Nov 2026 13:21:58 +0400 Երևանի քաղաքապետ Տիգրան Ավինյանի…

2 ժամ ago

Դիվանագիտական ճգնաժամը շարունակվում է

Դիվանագիտական ճգնաժամը շարունակվում է Tue, 17 Nov 2026 13:15:25 +0400 Օրեր առաջ Արաբական Միացյալ Էմիրություններում…

2 ժամ ago

Թևանյանի խուց են տեղափոխվել հոգեկան առողջության հետ կապված խնդիրներ ունեցող անձ

Թևանյանի խուց են տեղափոխվել հոգեկան առողջության հետ կապված խնդիրներ ունեցող անձ Tue, 17 Nov 2026…

2 ժամ ago