Ընդդիմությունն ընդմիջումներ է վերցնում. Փաշինյանը ԱԺ-ում սպասում է նիստի սկսվելուն
Wed, 18 Nov 2026 11:09:36 +0400
Ազգային ժողովի նիստը կրկին ընդմիջվեց 20 րոպեով։ Նախորդ օրը քննարկված նախագծերի քվեարկության ժամանակ նախ Կառավարության կառուցվածքում փոփոխություններ անելու նախագծի վերաբերյալ քվեարկության ժամանակ «Ուժեղ Հայաստան» խմբակցությունը 20 րոպե ընդմիջում վերցրեց, ապա Զինծառայողի և զինվորական ծառայության մասին օրենքի փոփոխությունների մասին նախագծի քվեարկության ժամանակ` «Հայաստան» խմբակցությունը 20 րոպե ընդմիջեւմ վերցրեց։ «Ուժեղ Հայաստան» խմբակցության քարտուղար Տիգրան Աբրահամյանը լրագրողներին հայտնեց, որ ընդմիջումը վերցրել են օրենքով սահմանված կարգով, որպեսզի խմբակցությունով քննարկում ունենան քվեարկության վերաբերյալ։
Նշենք, որ քվեարկությունից հետո ԱԺ նիստում նախատեսված է ՀՀ պետական բյուջեի նախագծի քննարկումը։ Ներկա է նաև Նիկոլ Փաշինյանը։