Հանրաքվեի թեման կարող էր մնալ մեկօրյա ծաղրի առարկա. տնտեսագետ

Հանրաքվեի թեման կարող էր մնալ մեկօրյա ծաղրի առարկա. տնտեսագետ

Sun, 22 Nov 2026 09:15:17 +0400


Տնտեսագետ Հրայր Կամենդատյանը ֆեյսբուքյան իր էջում գրել է․ «Եթե իշխանությունը հանրաքվեի թեմա է նետում հրապարակ, իսկ ընդդիմությունը շաբաթներով քննարկում է այդ թեման, հարցեր տալիս, բանավիճում, արձագանքում ու հակադարձում, ապա իշխանությունը հասել է իր նպատակին՝ հանրային խոսակցության կենտրոնը տեղափոխել իր ընտրած դաշտ։
Իսկ ընդդիմությունը պետք է ունենա իր օրակարգը։

Իշխանության խաղը պետք էր չընդունել։
ՔՊ-ն չունի խորհրդարանում սահմանադրական փոփոխության համար անհրաժեշտ 2/3-ը։ Հանրաքվեի թեման ինքնին դեռ չի նշանակում քաղաքական հաղթանակ։ Այն ընդամենը քաղաքական օրակարգի հերթական փորձն է։
Ի՞նչ պետք է աներ ընդդիմությունը։
Ծաղրել այդ նախաձեռնության քաղաքական անհեթեթությունը։
Ցույց տալ, որ իշխանությունը չունի անհրաժեշտ ձայները։

Չմտնել անվերջ բանավեճերի, հարցուպատասխանի և իշխանության կազմակերպած քաղաքական ներկայացման մեջ։
Եվ անմիջապես տեղափոխել հանրային քննարկումը մարդկանց իրական խնդիրների վրա։
Որովհետև իշխանության համար շատ հարմար է, երբ բոլորը քննարկում են իր առաջարկած թեման, իսկ ժողովուրդը մնում է իր առօրյա խնդիրների հետ միայնակ։
Ի՞նչ հարցեր պետք է հնչեին ամեն օր․
Ինչո՞ւ Հայաստանում աղքատության մակարդակը շարունակում է մնալ բարձր, և ինչո՞ւ տնտեսական աճը չի վերածվում մարդկանց իրական բարեկեցության։

Ինչո՞ւ հարյուր հազարավոր քաղաքացիներ հայտնվել են վարկային տույժերի, տոկոսների ու տուգանքների ճիրաններում, և ինչո՞ւ պետությունը չի պաշտպանում նրանց ֆինանսական համակարգի անարդարություններից։
Ինչո՞ւ գույքահարկը դարձել է սեփական տունը պահելու ծանր բեռ, հատկապես տարեց մարդկանց համար, որոնք տասնամյակներով աշխատել են այդ տունը ձեռք բերելու համար։
Ինչո՞ւ դեղերի շուկայում քաղաքացին բախվում է բարձր գների, սահմանափակ ընտրության և մրցակցության վերաբերյալ լուրջ հարցերի, իսկ պետությունը չի ապահովում պատշաճ վերահսկողություն ու հասանելիություն։
Ինչո՞ւ թոշակառուն պետք է ընտրություն կատարի դեղի, սննդի և կոմունալ վճարի միջև։
Ինչո՞ւ իշխանությունը խոսում է Սահմանադրության մասին, երբ քաղաքացին իր առօրյա կյանքում բախվում է սոցիալական անարդարության, պարտքերի և գոյատևման խնդիրների։
Սրանք են այն հարցերը, որոնցից իշխանությունը չի կարող փախչել՝ պարզապես նոր քաղաքական թեմա նետելով։

Ընդդիմության գլխավոր սխալը․
Ընդդիմությունը չպետք է իշխանությանը պատասխանի միայն նրա բարձրացրած թեմաների շրջանակում։ Այն պետք է ստիպի իշխանությանը պատասխանել այն հարցերին, որոնք իշխանությունը չի ուզում լսել։
Քաղաքական նախաձեռնությունը նշանակում է ոչ թե ամեն հայտարարության հետևից վազել, այլ սեփական օրակարգը թելադրել։
Եթե իշխանությունը քեզ հրավիրում է իր խաղադաշտ, դու պարտավոր չես մտնել։ Դու կարող ես քո խաղը խաղալ՝ այնտեղ, որտեղ իշխանությունն ամենախոցելին է։
Հանրաքվեի թեման կարող էր մնալ մեկօրյա ծաղրի առարկա։ Իսկ սոցիալական խնդիրները պետք է դառնային ընդդիմության ամենօրյա քաղաքական հարվածը։
Թեման առաջացել է իմ ընկեր Արեգ Սավգուլյանի հետ զրույցի ընթացքում»։

© 2026 Հրապարակ

Source: Hraparak

Hraparak.am

Recent Posts

Չեմ կարող ինձ համեմատել նրա հետ, դա անհնար է․ Սպերցյան

Չեմ կարող ինձ համեմատել նրա հետ, դա անհնար է․ Սպերցյան Sun, 22 Nov 2026 09:30:59…

29 րոպե ago

Սպասվում են տեղումներ, քամու ուժգնացում

Սպասվում են տեղումներ, քամու ուժգնացում Sun, 22 Nov 2026 09:00:25 +0400 Երևան քաղաքում՝ Նոյեմբերի 22-ին,…

59 րոպե ago

Պատանի մարմնամարզիկ Գրիշա Սարգսյանը 2 ոսկե մեդալ է նվաճել

Պատանի մարմնամարզիկ Գրիշա Սարգսյանը 2 ոսկե մեդալ է նվաճել Sat, 21 Nov 2026 23:44:40 +0400…

10 ժամ ago

ՆԳՆ-ից պահանջել եմ անձնագրիս մեջ ծննդավայրս չնշել Ադրբեջան, եթե մերժեն՝ կդիմեմ ՄԻԵԴ

ՆԳՆ-ից պահանջել եմ անձնագրիս մեջ ծննդավայրս չնշել Ադրբեջան, եթե մերժեն՝ կդիմեմ ՄԻԵԴ Sat, 21 Nov…

11 ժամ ago

Մակոլեյ Կալկինը նորից հանդես կգա «Տանը միայնակ» շարքի նոր կինոնկարում

Մակոլեյ Կալկինը նորից հանդես կգա «Տանը միայնակ» շարքի նոր կինոնկարում Sat, 21 Nov 2026 23:00:29…

11 ժամ ago

ՀԷՑ-ը ստոլբեն լավ գնով չէր առել․ Նարեկ Կարապետյանը հեգնում է Փաշինյանին

ՀԷՑ-ը ստոլբեն լավ գնով չէր առել․ Նարեկ Կարապետյանը հեգնում է Փաշինյանին Sat, 21 Nov 2026…

11 ժամ ago