545 մլն դրամ արժողությամբ ինչ տեսախցիկների մասին է խոսքը

Thu, 12 Mar 2026 12:08:10 +0400

Հայաստանի կառավարությունը հաստատել է որոշում, որով նախատեսվում է տեսախցիկներ ձեռք բերել ընտրատեղամասերում քվեարկության գործընթացը տեսանկարահանելու համար։ Այդ նպատակով Կենտրոնական ընտրական հանձնաժողովը կծախսի շուրջ 545 միլիոն դրամ։

Ըստ գործող ընտրական կարգավորումների՝ քվեարկության ընթացքը պետք է տեսանկարահանվի այն ընտրատեղամասերում, որտեղ սպասարկվում է 300-ից ավելի ընտրող։ Հայաստանում նման ընտրատեղամասերի թիվը մոտ 1800 է։ Ընդհանուր առմամբ համապետական ընտրությունների ժամանակ ձևավորվում է մոտ 2000 ընտրատեղամաս։

Տեսանկարահանման գործընթացը կազմակերպելու նպատակով Կենտրոնական ընտրական հանձնաժողովը մրցութային կարգով ընտրում է այն ընկերությանը, որը կապահովի անհրաժեշտ տեխնիկական միջոցները և սպասարկումը։