«Հրապարակ». «Պիլոտկան փոխել է»` միացել հեղափոխականներին

Fri, 05 Jun 2026 10:25:14 +0400

Սեւանի բնակիչները զարմացել են, որ Սեւանի քաղաքապետարանի աշխատակազմի նախկին քարտուղար Սուսաննա Խաչատրյանը Սեւանում նախընտրական քարոզչություն անող Նիկոլ Փաշինյանին գրկաբաց եւ անափ ուրախությամբ դիմավորել է` ողջագուրվել նրա հետ։ Սեւանցիներն ասում են, որ այդ կնոջ «լավ ապրելու» լավագույն շրջանը եղել է Ռոբերտ Քոչարյանի նախագահության տարիները, հիմա ջերմ ողջագուրվում է Նիկոլ Փաշինյանի հետ, նրա ասում՝ «ցավդ տանեմ»։

Ս․ Խաչատրյանը խորհրդային տարիներից եղել է ղեկավար պաշտոններում՝ Սեւանի քաղխորհրդի գործկոմի քարտուղար, հետո՝ 1990-ականների երկրորդ կեսին, 2000-ականներին՝ քաղաքապետարանի աշխատակազմի քարտուղար։ Նախկիններից ամենանախկին Սուսաննա Խաչատրյանը, սեւանցիների խոսքով` «պիլոտկան փոխել է», անցել հեղափոխականների կողմը: