Բասկետբոլի Հայաստանի Մ16 հավաքականը հաղթել է Մալթայի թիմին

Thu, 09 Jul 2026 14:26:25 +0400

Բասկետբոլի Հայաստանի մինչև 16 տարեկանների հավաքականը շարունակում է վստահ ելույթները Երևանում անցկացվող ՖԻԲԱ Եվրոպայի մինչև 16 տարեկանների C դիվիզիոնի առաջնությունում՝ երրորդ անընդմեջ հաղթանակը տոնելով։ Խմբային փուլի նախավերջին խաղում մեր ընտրանին 97:90 հաշվով հաղթել է Մալթայի հավաքականին։

Հանդիպման ամենաարժեքավոր խաղացող (MVP) է ճանաչվել Միխայիլ Պետրովը, որը գրանցել է 14 միավոր, 17 ռեբաունդ, 6 արդյունավետ փոխանցում:

Հայաստանի կազմում ամենաշատ միավորները վաստակել է Դմիտրի Հաջյանը՝ 31 միավոր։

Հայաստանի Մ16 հավաքականը խմբային փուլի վերջին խաղը կանցկացնի հուլիսի 9-ին, Մոնակոյի հավաքականի դեմ: Խաղը կմեկնարկի 19:00-ին, Սպորտի կառավարման կենտրոնի մարզադահլիճում: