Քոբուլեթիում Սև ծովում զբոսաշրջիկ է խեղդվել․ ՏԵՍԱՆՅՈՒԹ

Thu, 30 Jul 2026 22:41:13 +0400

Այսօր՝ հուլիսի 30-ին, երեկոյան, Վրաստանի Քոբուլեթի քաղաքում ողբերգական դեպք է տեղի ունեցել. Սև ծովում տղամարդ է խեղդվել։

Վրացական լրատվամիջոցների փոխանցմամբ՝ փրկարարները տղամարդուն դուրս են բերել ծովից, սակայն ափին գտնվող շտապօգնության բրիգադը միայն արձանագրել է նրա մահը։

Նախնական տեղեկություններով՝ մահացածը զբոսաշրջիկ էր և Վրաստան էր մեկնել հանգստի նպատակով։ Վերջին օրերին Սև ծովում ուժեղ ալեկոծություն էր, և հանգստացողներին խորհուրդ էր տրվում ջուր չմտնել։

Զոհի ինքնությունը, քաղաքացիությունը և դեպքի մյուս հանգամանքներն առայժմ չեն հրապարակվել։ Ոստիկանությունը պարզում է դեպքի մանրամասները։

Դեպքի վայրում գտնվողները «Հրապարակ»-ին հայտնեցին, որ տղամարդը մոտ 50 տարեկան է եղել։