Ով է Էրդողանի աչքերի մեջ նայելով խոսել Հայոց ցեղասպանությունից

Tue, 18 Aug 2026 14:51:06 +0400

Ընդդիմադիր պատգամավոր Գեղամ Մանուկյանը, անդրադառնալով ՔՊ-ական պատգամավորների, մասնավորապես Արման Եղոյանի՝ սփյուռքի վերաբերյալ հայտարարություններին, հիշել է 2006 թվականին Ստամբուլում տեղի ունեցած իրադարձությունը։

Մանուկյանի խոսքով՝ այդ ժամանակ ինքը պատգամավոր էր և մասնակցում էր Ստամբուլում անցկացվող միջազգային մամուլի համաժողովին։ Նա նշել է, որ որոշել էր օգտագործել առիթը և Թուրքիայի այն ժամանակվա վարչապետ Ռեջեփ Թայիփ Էրդողանի ներկայությամբ բարձրաձայնել Հայոց ցեղասպանության թեման։ 2006 թվականի նոյեմբերին Մանուկյանը հենց այդպիսի ելույթով էր հանդես եկել Ստամբուլում՝ վիճարկելով Էրդողանի կողմից Հայոց ցեղասպանության ժխտումը։

Պատգամավորը պատմել է, որ իր խոսքին Էրդողանը վերաբերել է ոչ թե բարձրացված պատմական հարցի, այլ սփյուռքի ազդեցության գործոն։ Ըստ Մանուկյանի՝ Թուրքիայի իշխանություններն այդ տարիներին հայկական սփյուռքը դիտարկել են որպես իրենց հիմնական հակառակորդներից մեկը։

«Ես խոսեցի Հայոց ցեղասպանությունից: Էրդողանի արձագանքը գիտե՞ք՝ ինչ եղավ, ասաց՝ դու սփյուռքի ազդեցության տակ ես»,- ասել է Մանուկյանը:

Նրա գնահատմամբ՝ դրա պատճառը սփյուռքի ունեցած ազդեցությունն ու ներուժն է։ Մանուկյանը շեշտել է, որ Թուրքիայի քաղաքական խոսույթում սփյուռքի նկատմամբ վերաբերմունքը ձևավորվել է հենց այն գիտակցումից, որ աշխարհի տարբեր երկրներում գործող հայկական համայնքները կարող են զգալի ազդեցություն ունենալ Հայոց ցեղասպանության ճանաչման և հայկական հարցերի բարձրաձայնման գործընթացներում։