Վարչապետն ասաց ՝ հարձակվելու են մեզ վրա․․․

Tue, 29 Sep 2026 22:30:11 +0400

Իսրայելի պաշտպանության բանակի ավիաբազա այցելության ժամանակ Իսրայելի վարչապետ Բենիամին Նեթանյահուն հայտարարել է` կան նշաններ, որ «մեր թշնամիները կփորձեն հարձակվել մեզ վրա ընտրություններից առաջ»։

Դիմելով իր «թշնամիներին»՝ Նեթանյահուն զգուշացրել է. «Մի՛ խառնվեք մեզ։ Մենք երկար ձեռքեր ունենք, և մենք ձեզ կհասցնենք ամենուր և ցանկացած ժամանակ»։

«Յաշար» կուսակցության առաջնորդ Գադի Այզենկոտը արձագանքել է Իսրայելի վարչապետի հայտարարությանը։ Նա ասել է, որ եթե Նեթանյահուի խոսքերը հիմնված են սպառնալիքի մասին իրական տեղեկատվության վրա, ապա նա պետք է անհապաղ տեղեկացնի խորհրդարանական ընդդիմության առաջնորդ Յաիր Լապիդին։

«Սա անհրաժեշտ է ապահովելու համար, որ սա իսկապես իրական սպառնալիք է, այլ ոչ թե քաղաքական շահարկումներ, որոնք նախատեսված են ընտրողներին ազդելու համար», – ասվում է Այզենկոտի կուսակցության հայտարարության մեջ։