Ադրբեջանցին ծեծել է տարեց մորը

Mon, 05 Oct 2026 19:30:03 +0400

Ադրբեջանի գյուղերից մեկում 1997 թվականի ծնված տղամարդը ծեծել է տարեց մորը, ով ապրում էր իր հետ։ Համաձայն ադրբեջանական մամուլում տեղ գտած հրապարակումների, մոր եւ որդու միջեւ նախ կոնֆլիկտ է առաջացել, որից հետո տղամարդը տարեց կնոջը հարվածել է, գցել գետնին եւ շարունակել հարվածել։ Դեպքի վայր են ժամանել ոստիկանները։ Տղամարդուն ձերբակալել են։

Դեպքի առնչությամբ հարուցվել է քրեական գործ։ Նյութերն ուղարկվել են դատարան։ Արդեն դատարանում մայրն ասել է, որ ներում է որդուն եւ խնդրել է կարճել քրեական գործը։ Դատարանը ընդառաջել է մոր խնդրանքին, գործը կարճել է եւ տղամարդուն ազատ արձակել։