Իսպանիայում 24 խաղ է հետաձգվել ողբերգական պատահարի պատճառով

Wed, 28 Oct 2026 21:13:56 +0400

Իսպանիայի ֆուտբոլի արքայական ֆեդերացիան (RFEF) հայտարարել է երկրի Գավաթի խաղային օրը տեղափոխելու մասին՝ Տոլեդոյի մոտակայքում տեղի ունեցած երկաթուղային վթարի պատճառով: Այս մասին հայտնում է կազմակերպության կայքը։
«Ի հարգանս այսօր վաղ առավոտյան Տոլեդո նահանգում տեղի ունեցած ողբերգական երկաթուղային վթարի զոհերի հիշատակի, RFEF-ը որոշել է դադարեցնել Իսպանիայի գավաթի առաջին փուլի 24 խաղերի անցկացումը, որոնք նախատեսված էին այսօր երեկոյան», – ասվում է հաղորդագրության մեջ:

Ավելի վաղ հայտնել էինք, որ այսօր Իսպանիայի Տոլեդո նահանգում՝ Լոս-Եբենեսի և Ուրդայի միջև՝ Մադրիդ-Սևիլիա գծի 118-րդ կիլոմետրում տեղի է ունեցել վթար՝ երկու արագընթաց գնացքների բախում:

Ըստ վերջին տվյլաների, ողբերգական վթարի հետևանքով զոհվել է 46 մարդ, տասնյակ մարդիկ վիրավոր են։