Շաբաթ , 21 Նոյեմբերի 2026

Առանձնահատուկ հուզմունքով եմ ընդունել Դավիթ Բաբայանին հովանավորելու առաջարկը

Առանձնահատուկ հուզմունքով եմ ընդունել Դավիթ Բաբայանին հովանավորելու առաջարկը

Sat, 21 Nov 2026 11:41:40 +0400


Նիսի փոխքաղաքապետ Սելին Ալունին իր էջում գրել է:

Համերաշխության, արժանապատվության և մարդասիրության հանձնառություն

Նոյեմբերի 19-ին կայացած քաղաքային խորհրդի նիստի ընթացքում, մեր քաղաքապետ Էրիկ Սիոթիի նախաձեռնությամբ, Նիս քաղաքը վերահաստատեց իր աջակցությունը Ադրբեջանում պահվող 20 հայ բանտարկյալներին՝ նրանց խորհրդանշական կերպով շնորհելով մեր քաղաքի պատվավոր քաղաքացու կոչում։

Առանձնահատուկ հուզմունքով եմ ընդունել Արցախի Հանրապետության արտաքին գործերի նախկին նախարար Դավիթ Բաբայանին հովանավորելու առաջարկը։ Նա 2023 թվականից գտնվում է ադրբեջանական գերության մեջ և 2026 թվականի փետրվարին դատապարտվել է ցմահ ազատազրկման։

Այս հանձնառությունը կկիսեմ Ալպ-Մարիթիմ դեպարտամենտի մեր սենատոր, պրոֆեսոր Լորան Կաստիյոյի և մեր տեղակալ, ֆինանսների գծով պատասխանատու Օլիվիե Բրեյլիի հետ։

Այս հովանավորությունը շատ ավելին է, քան պարզապես խորհրդանշական ժեստը։ Այն մարդկային հանձնառություն է, ազատությունից զրկված մարդկանց մոռացության չմատնելու վճռականություն։

Յուրաքանչյուր բանտարկյալի հետևում մի մարդ կա, մի ընտանիք, հարազատներ, որոնք սպասում են և հույս ունեն։

Նիսը, խորապես հավատարիմ լինելով ֆրանս-հայկական բարեկամությանը, շարունակելու է բարձրաձայնել նրանց անունից և պահանջել նրանց ազատ արձակումը։

© 2026 Հրապարակ

Source: Hraparak

Մասին Hraparak.am

Hraparak.am

Կարդացեք նաև

Ադրբեջանում ձերբակալել են Դավիթ Իշխանյանի փաստաբան Էլչին Ամիրովին

Ադրբեջանում ձերբակալել են Դավիթ Իշխանյանի փաստաբան Էլչին Ամիրովին Mon, 16 Nov 2026 18:02:50 +0400 Բաքվում …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով