Կիրակի , 22 Նոյեմբերի 2026

Ջենիֆեր Լոպեսը կարմիր գորգ է դուրս եկել թափանցիկ զգեստով և 100 կարատանոց ադամանդով

Ջենիֆեր Լոպեսը կարմիր գորգ է դուրս եկել թափանցիկ զգեստով և 100 կարատանոց ադամանդով

Sun, 22 Nov 2026 16:45:49 +0400


Ջենիֆեր Լոպեսը կրկին հայտնվել է բոլորի ուշադրության կենտրոնում՝ տպավորիչ կերպարով ներկայանալով կարմիր գորգին։ Լոս Անջելեսում կայացած «The JLo Show: Live in Las Vegas» համերգային ֆիլմի պրեմիերային երգչուհին եկել է Dolce & Gabbana-ի ամբողջովին թափանցիկ ժանյակե զգեստով՝ կերպարը համադրելով ավելի քան 100 կարատանոց դեղին քարով շքեղ ադամանդե վզնոցի հետ։

Երեկոյի համար 57-ամյա աստղն ընտրել է Dolce & Gabbana-ի բարձր նորաձևության հավաքածուից նրբագույն շանթիլի ժանյակով կարված զգեստ։ Բարակ ուսակապերով, խորը բացվածքով և ազատ թափվող փեշով այս մոդելը գրեթե չէր թաքցնում նրա կազմվածքը։ Կարմիր գորգին Լոպեսը զգեստի վրայից գցել էր մորթե օձիքով ու թևածալերով ատլասե թիկնոց-վերարկու, որը զարդարված էր ծաղկային ասեղնագործությամբ, բյուրեղներով, փայլերով և մետաքսե ծոպերով։

Կերպարի գլխավոր շեշտադրումը, սակայն, Dolce & Gabbana Alta Gioielleria հավաքածուի զարդերն էին։ «Sicilia» վզնոցի առանցքային մասը 100,1 կարատանոց տանձաձև դեղին ադամանդն էր՝ շրջապատված զմրուխտաձև և կլոր երեսակման քարերով։

Լոպեսն այն համադրել էր խոշոր դեղին ադամանդներով ականջօղերի, երկու մեծ կոկտեյլային մատանու և թանկարժեք քարերով զարդարված՝ ծաղկի տեսքով մազակալի հետ։

Ամբողջ կերպարը՝ զգեստից մինչև զարդեր, ներկայացվել էր հուլիսին Իտալիայի Տաորմինա քաղաքում կայացած Dolce & Gabbana Alta Moda 2026 ցուցադրության ժամանակ։ Այդ օրը Լոպեսը ցուցադրությանը ներկա էր ոսկեթել ասեղնագործությամբ զգեստով, որը հիշեցնում էր Գուստավ Կլիմտի հայտնի «Ադել Բլոխ-Բաուերի դիմանկարը I» կտավը, իսկ ավելի ուշ փոխել էր հագուստը՝ կրելով վառ դեղին, մեկ ուսը բաց զգեստ։ Եզրափակիչ երեկոյին նա նաև ելույթ էր ունեցել բրենդի մի քանի տպավորիչ բեմական հագուստներով։

брилоп1.jpg (124 KB)

брилоп.jpg (110 KB)

© 2026 Հրապարակ

Source: Hraparak

Մասին Hraparak.am

Hraparak.am

Կարդացեք նաև

«Նա բոլորովին նման չէ Աֆլեքին». Ջենիֆեր Լոպեսի և «Թեդ Լասո»-ի աստղի սիրավեպի մանրամասները

«Նա բոլորովին նման չէ Աֆլեքին». Ջենիֆեր Լոպեսի և «Թեդ Լասո»-ի աստղի սիրավեպի մանրամասները Fri, 23 …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով