Իրանում բոլոր սցենարներին պատրաստ են`ամեն մի ղեկավարի համար 5 փոխարինող կա

Իրանում բոլոր սցենարներին պատրաստ են`ամեն մի ղեկավարի համար 5 փոխարինող կա

Sun, 01 Mar 2026 14:15:00 +0400


ԱՄՆ-Իսրայել համատեղ հարձակման հետևանքով երեկ առավոտյան իր աշխատավայրում սպանվել է հոգևոր առաջնորդը` Ալի Խամենեին:

«Հրապարակը» զրուցել է Իրանում տեղի ունեցողի մասին իրանցի քաղաքական վերլուծաբան Փույա Հոսսեյնիի հետ:

-Իրանից հակասական տեղեկություններ են գալիս այն մասին, որ որոշ քաղաքներում բազմահազարանոց ցույցեր են` սգում են հոգևոր առաջնորդի մահը, միաժամանակ որոշ վայրերում էլ ցնծում են, տոնում Խամենեի մահը: Ի՞նչ է հայտնի Ձեզ, ի՞նչ է կատարվում Իրանում այս պահին:

-Ինչպես գիտեք, ինչպես երևում է տարածվող տեսանյութերում, մարդկանց մեծ մասը սգում է, բայց զանգված էլ կա, որ նման պահվածք է ցուցաբերում: Իրանը բազմազգ և բազմաշերտ երկիր է և նմանատիպ դրսևորումներ են լինում:

-Հնարավո՞ր է, որ տեղի ունեցող գործընթացների ֆոնին նորից ընդդիմադիրներն ակտիվանան և արդյոք հիմա կարողանա՞ն Իրանում իշխանությունները ճնշել այդ դիմադրությունը:

-Կփորձեն, որովհետև նման բան ծրագրավորել են, որ թե դրսից, թե արտաքին ճնշումով փորձեն պետությունը փլուզել: Որոշ զանգված կա, որ ազդեցությունների տակ են և կարող է նման գործողություններ ամեն, բայց ամեն դեպքում չի հաջողվի ամբողջական մեծածավալ իրականացնել: Իսրայելն ու ԱՄՆ-ն փորձում են քաոս ստեղծել Իրանում և հիմա իշխանությունները փորձում են համակարգը ամուր պահել, իրենց վերահսկողության տակ, որ օրենքը գործի, անվտանգությունն ապահովվի:

-Ռազմական գլխավոր հրամանատարները սպանված են, հոգևոր առաջնորդը սպանված է, ու շատերի մոտ տպավորություն կա, որ արդեն թուլացրել են Իրանի դիրքերը: Թե՞ այս սցենարն էլ են հաշվի առել Իրանում ու խաղը դեռ ավարտված չի:

– Իրանը անձերի հետ կապված չի, Իրանը համակարգված պետություն է և բոլոր սցենարների համար էլ պատրաստ են եղել նախապես և ամեն բարձրաստան, ռազմաքաղաքական ղեկավարների համար մոտավորապես հինգ փոխարինող նշանակված է, ով էլ զոհվի, հաջորդ փոխարինողը շարունակելու է համակարգելու համակարգն այդքան էլ հեշտ չի փլուզվելու: Այդ համակարգված լինելն օգնում է, որ պետությունն ուժեղ մնա, իհարկե այս անձինք շատ կարևոր մարդիկ են եղել Իրանի կայունության և անկախությունը պահելու հարցում, բայց ամեն դեպքում Իրանը ուժեղ պետություն է և տարիներ շարունակ եղել են բարձրաստիճան ռազմական ղեկավարների սպանություններ, բայց Իրանը իր ուղին շարունակել է:

-Այսինքն, Իրանը պատրաստ է նաև երկարատև՞ պատերազմի:

-Այս պահին պատերազմն ընթանում է և Իրանը որքան որ կարողանա` կդիմակայի: Պատերազմը դարձել է տարածաշրջանային պատերազմ և դրա մեղավորը ԱՄՆ ու Իսրայելի ղեկավարներն են, որ ամբողջ տարածաշրջանը բերեցին այս վիճակին:

-Իսկ բարեկամ պետությունների, դաշնակիցների օգնություն ակնկալո՞ւմ եք, թե Իրանն իր կռիվը մենակ է տալու:

-Մինչև պատերազմը շատ օգնություն ստացավ Իրանը: Ականատես եղանք, որ Չինաստանից, Ռուսաստանից տարբեր ռազմական սենատոր ինքնաթիռներ էին իջնում Իրան և տեղեկատվական, և ռազմական օգնություն ստացել է, բայց ամեն դեպքում այս պատերազմում Իրանն է պատերազմում: Կարող է այլ ուժեր էլ միանան, և ինչ-որ գործողություններ Իրաքում, օրինակ իրանական դիմադրության ուժերը, Եմենում և այլ երկրներում կարող է միանան այս պատերազմին և Միացյալ Նահանգների շահերը, և Իսրայելի շահերը թիրախավորեն:

© 2026 Secure News Portal

Source: Hraparak

Hraparak.am

Recent Posts

Հանրայինին գրոհ է սպառնում․ Տաթեւը ձեռնամարտ է պարապում․․․

Հանրայինին գրոհ է սպառնում․ Տաթեւը ձեռնամարտ է պարապում․․․ Tue, 17 Nov 2026 13:45:48 +0400 Պարզվում…

25 րոպե ago

ԵՄ-ն քննարկում է պատերազմի մասնակից ռուսների մուտքի արգելքը Շենգենյան գոտի

ԵՄ-ն քննարկում է պատերազմի մասնակից ռուսների մուտքի արգելքը Շենգենյան գոտի Tue, 17 Nov 2026 13:30:16…

40 րոպե ago

Ավինյանը՝ Աննա Հակոբյանի հայտարարության մասին

Ավինյանը՝ Աննա Հակոբյանի հայտարարության մասին Tue, 17 Nov 2026 13:21:58 +0400 Երևանի քաղաքապետ Տիգրան Ավինյանի…

49 րոպե ago

Դիվանագիտական ճգնաժամը շարունակվում է

Դիվանագիտական ճգնաժամը շարունակվում է Tue, 17 Nov 2026 13:15:25 +0400 Օրեր առաջ Արաբական Միացյալ Էմիրություններում…

55 րոպե ago

Թևանյանի խուց են տեղափոխվել հոգեկան առողջության հետ կապված խնդիրներ ունեցող անձ

Թևանյանի խուց են տեղափոխվել հոգեկան առողջության հետ կապված խնդիրներ ունեցող անձ Tue, 17 Nov 2026…

55 րոպե ago

Երեք տարի անց արցախյան հակամարտությունը մնում է չլուծված

Երեք տարի անց արցախյան հակամարտությունը մնում է չլուծված Tue, 17 Nov 2026 13:13:24 +0400 Հայ…

57 րոպե ago