Ովքեր կարող են ազատվել ծառայությունից

Wed, 04 Mar 2026 11:40:05 +0400

ՀՀ Ազգային ժողովը երկրորդ ընթերցմամբ և ամբողջությամբ ընդունել է «Զինվորական ծառայության և զինծառայողի կարգավիճակի մասին» օրենքում փոփոխությունների նախագիծը։ Օրինագիծը ստացել է 68 կողմ ձայն, դեմ քվեարկող չի եղել, իսկ 17 պատգամավոր ձեռնպահ է մնացել։

Նոր կարգավորումներով սահմանվում է, որ Շանհայի վարկանիշային աղյուսակի առաջին հիսնյակում ընդգրկված բուհերում ուսման նպատակով տարկետում ստացած ուսանողները կարող են ազատվել պարտադիր զինվորական ծառայությունից։ Դրա համար անհրաժեշտ է, որ նրանք ուսումն ավարտելուց հետո վերադառնան Հայաստան և առնվազն երեք տարի աշխատեն կառավարության կողմից սահմանված առաջնահերթ ոլորտներում։