Ի՞նչ է փոխվելու ապրիլի 1-ից ԱՊՊԱ-ի հետ կապված

Ի՞նչ է փոխվելու ապրիլի 1-ից ԱՊՊԱ-ի հետ կապված

Tue, 17 Mar 2026 14:52:06 +0400


Հայաստանում ապրիլի 1-ից ուժի մեջ կմտնեն ԱՊՊԱ համակարգի նոր փոփոխությունները, որոնց արդյունքում կավելանան փոխհատուցման սահմանաչափերը։ Այս մասին մարտի 17-ին լրագրողների հետ հանդիպման ընթացքում տեղեկացրել է Հայաստանի ավտոապահովագրողների բյուրոյի գործադիր տնօրեն Վաղինակ Եղիազարյանը։

Նրա ներկայացմամբ՝ փոփոխությունները բխում են ԱՊՊԱ համակարգի զարգացման ռազմավարությունից, որի հիմնական նպատակներից է ապահովագրական ծառայությունները դարձնել առավել շահավետ և հարմար քաղաքացիների համար։ Նոր կարգավորումներով գույքային վնասների փոխհատուցման առավելագույն չափը մեկ անձի համար 1.8 միլիոն դրամից կբարձրանա մինչև 2.5 միլիոն դրամ։ Իսկ առողջությանը կամ կյանքին պատճառված վնասների դեպքում սահմանաչափը 3.3 միլիոն դրամից կհասնի 3.5 միլիոն դրամի։

Եղիազարյանի խոսքով՝ ավտովթարների արդյունքում առաջացող ծախսերը հաճախ գերազանցել են նախկին սահմանված չափերը, ինչի հետևանքով քաղաքացիները ստիպված են եղել իրենց միջոցներից լրացուցիչ վճարումներ կատարել։ Նոր փոփոխությունները նպատակ ունեն նվազեցնել այդ բեռը՝ ապահովելով ավելի լայն ծածկույթ։ Նրա խոսքով՝ ներկայումս վնասների մոտ 94 տոկոսն է ամբողջությամբ փոխհատուցվում, իսկ մնացած դեպքերում սահմանաչափերի պատճառով քաղաքացիները ստիպված են լինում տարբերությունը վճարել սեփական գրպանից։ Օրինակ, եթե վնասը կազմել է 2.5 միլիոն դրամ, իսկ նախկին սահմանաչափը եղել է 1.8 միլիոն, ապա շուրջ 700 հազար դրամը քաղաքացին պետք է վճարեր ինքնուրույն։

Նա ընդգծել է, որ սահմանաչափերի բարձրացումը կօգնի առավելագույնս մոտենալ վնասների ամբողջական փոխհատուցմանը, թեև 100 տոկոս ապահովում հնարավոր չէ։

Բացի այդ, վերանայվել են նաև մեկ պատահարի շրջանակում բոլոր տուժածներին հատկացվող ընդհանուր գումարների առավելագույն չափերը։ Գույքային վնասների դեպքում ընդհանուր սահմանաչափը 18 միլիոն դրամից կդառնա 25 միլիոն դրամ, իսկ առողջությանը հասցված վնասների համար նախատեսված գումարը 33 միլիոնից կբարձրանա մինչև 35 միլիոն դրամ։

© 2026 Secure News Portal

Source: Hraparak

Hraparak.am

Recent Posts

Հանրաքվեի թեման կարող էր մնալ մեկօրյա ծաղրի առարկա. տնտեսագետ

Հանրաքվեի թեման կարող էր մնալ մեկօրյա ծաղրի առարկա. տնտեսագետ Sun, 22 Nov 2026 09:15:17 +0400…

9 րոպե ago

Սպասվում են տեղումներ, քամու ուժգնացում

Սպասվում են տեղումներ, քամու ուժգնացում Sun, 22 Nov 2026 09:00:25 +0400 Երևան քաղաքում՝ Նոյեմբերի 22-ին,…

24 րոպե ago

Պատանի մարմնամարզիկ Գրիշա Սարգսյանը 2 ոսկե մեդալ է նվաճել

Պատանի մարմնամարզիկ Գրիշա Սարգսյանը 2 ոսկե մեդալ է նվաճել Sat, 21 Nov 2026 23:44:40 +0400…

10 ժամ ago

ՆԳՆ-ից պահանջել եմ անձնագրիս մեջ ծննդավայրս չնշել Ադրբեջան, եթե մերժեն՝ կդիմեմ ՄԻԵԴ

ՆԳՆ-ից պահանջել եմ անձնագրիս մեջ ծննդավայրս չնշել Ադրբեջան, եթե մերժեն՝ կդիմեմ ՄԻԵԴ Sat, 21 Nov…

10 ժամ ago

Մակոլեյ Կալկինը նորից հանդես կգա «Տանը միայնակ» շարքի նոր կինոնկարում

Մակոլեյ Կալկինը նորից հանդես կգա «Տանը միայնակ» շարքի նոր կինոնկարում Sat, 21 Nov 2026 23:00:29…

10 ժամ ago

ՀԷՑ-ը ստոլբեն լավ գնով չէր առել․ Նարեկ Կարապետյանը հեգնում է Փաշինյանին

ՀԷՑ-ը ստոլբեն լավ գնով չէր առել․ Նարեկ Կարապետյանը հեգնում է Փաշինյանին Sat, 21 Nov 2026…

11 ժամ ago