Իրանական ճգնաժամն ԱՄՆ-ի համար ավելի կարեւոր է, քան Ուկրաինականը․ Ջոն Քոուլ

Fri, 20 Mar 2026 19:00:24 +0400

ԱՄՆ նախագահի՝ Բելառուսի հարցով հատուկ դեսպանորդ Ջոն Քոուլը Մինսկում հայտարարել է, որ Մերձավոր Արեւելքում տեղի ունեցողը ավելի կարեւոր է Միացյալ Նահանգների համար, քան այլ ռեգիոններում տեղի ունեցող իրադարձությունները, ներառյալ՝ Ուկրաինական հակամարտությունը։ Այս մասին ամերիկացի բարձրաստիճան ներկայացուցիչը հայտարարել է Մինսկում Բելառուսի նախագահ Ալեքսանդր Լուկաշենկոյի հետ ունեցած հանդիպումից հետո։

Ի պատասխան հնչած հարցերի, թե Մերձավոր Արեւելքում ներկայիս էսկալացիան երկրորդ պլան է մղել Ուկրաինական հակամարտությունը՝ Քոուլը ասել է, որ Իրանական եւ Ուկրաինական հակամարտությունները տարբեր բաներ են։ Ռուսաստանի եւ Ուկրաինայի համար անշուշտ շատ ավելի կարեւոր են Ուկրաինական հակամարտության հետ կապված հարցերը։ Սակայն ԱՄՆ-ի համար, ինչպես նաեւ՝ Իսրայելի եւ Իրանի համար՝ առաջնային կարեւորություն ունեն Մերձավոր Արեւելքում տեղի ուենցող ներկայիս զարգացումները։ Քոուլը նաեւ հավելել է, որ իրավիճակը շատ արագ է փոխվում՝ կարելի է ասել՝ ամենօրյա ռեժիմով։