Սա կոմպլեքսի հաղթահարման ճանապարհ է
Wed, 08 Apr 2026 19:27:08 +0400
ՀՀ երկրորդ նախագահ Ռոբերտ Քոչարյանը փոդքասթի ընթացքում անդրադարձել է Հայաստանի ինքնիշխանության թեմային՝ ներկայացնելով իր գնահատականները երկրի ներկայիս իրավիճակի վերաբերյալ։
Քոչարյանի խոսքով՝ «ինքնիշխանություն» բառի հաճախակի օգտագործումը վկայում է դրա իրական պակասի մասին։ Նա նշել է, որ նման շեշտադրումները հաճախ պայմանավորված են հոգեբանական գործոններով և փորձ են՝ հաղթահարելու առկա բարդությունները։
«Սա կոմպլեքսի հաղթահարման ճանապարհ է»,- նշել է նա:
Նախկին նախագահի գնահատմամբ՝ Հայաստանը ներկայում գտնվում է բավականին կախյալ վիճակում, որը, նրա կարծիքով, նախկինում երբեք այս աստիճանի չի եղել։
Խոսելով նաև տնտեսական հարաբերությունների մասին՝ Քոչարյանը նշել է, որ Հայաստանի արտաքին առևտրի զգալի մասը բաժին է ընկնում Ռուսաստանին՝ մոտ 35–40 տոկոս։ Միևնույն ժամանակ, ըստ նրա, Հայաստանի բաժինը Ռուսաստանի ընդհանուր արտաքին առևտրում շատ փոքր է՝ ընդամենը շուրջ 0.3 տոկոս։
«ԵԱՏՄ-ից դուրս գալը ո՞ւմ է ցավացնելու, նայեք»,- նշել է նա: