Ֆուտբոլի ֆեդերացիայի դեմ կարգապահական վարույթ են բացել

Thu, 09 Apr 2026 19:00:32 +0400

ՖԻՖԱ-ն կարգապահական վարույթ է բացել Իսպանիայի Թագավորական ֆուտբոլային ֆեդերացիայի դեմ՝ կապված երկրպագուների կողմից Իսպանիա-Եգիպտոս ընկերական խաղի ընթացքում թույլ տված հակամահմեդական արտահայտությունների հետ։ Այս մասին հայտնում է Sky Sports-ի լրագրող Ռոբ Հարիսը։

Հիշեցնենք, որ հանդիպումը տեղի էր ունեցել մարտի 31-ին, Բարսելոնայում եւ ավարտվել էր 0։0 ոչ ոքի հաշվով։ Հանդիպումից հետո սոցկայքերում տարածվել էին տեսանյութեր, որտեղ երեւում էր, թեինչպես իսպանացի ֆանատները վիրավորական կոչեր են արել մահմեդականների հասցեին։ Ուշագրավ է այն, որ իսպանական ազգային հավաքականում հանդես է գալիս Լամին Յամալը, ով մահմեդական է։ Նա դատապարտող հայտարարություն է տարածել այդ առնչությամբ։