Փաշինյանը՝ Աննա Հակոբյանի հետ միանալու մասին
Thu, 23 Apr 2026 13:42:44 +0400
«Կյանքը շատ ավելի բարդ է, քան թատրոնը, և եթե մինչ այժմ դրանում համոզված չեք, ապա ապագայում անպայման կհամոզվեք»։ Այս մասին կառավարության նիստից հետո լրագրողների հետ ճեպազրույցում հայտարարել է Նիկոլ Փաշինյանը՝ անդրադառնալով Աննա Հակոբյանի հետ հարաբերություններին։
Վարչապետը նշել է, որ երբ Աննա Հակոբյանը հրապարակային հայտարարություն էր արել, ինքը հայտնել էր, որ հարգանքով է վերաբերվում այդ որոշմանը, սակայն չի ասել, թե համաձայն է դրա հետ։ Նրա խոսքով՝ ինքը քայլեր է ձեռնարկել իրավիճակը փոխելու համար։
Փաշինյանը նաև ընդգծել է, որ ուրախ է տեղի ունեցածի համար և կարևորում է այն փաստը, որ հնարավորություն ունի պահպանելու ընտանիքը։ Նրա խոսքերով՝ սա նոր հնարավորություն է՝ ամրապնդելու ընտանեկան հարաբերությունները։