Georgian Airways-ը սնանկության եզրին է
Sat, 25 Apr 2026 19:00:46 +0400
Georgian Airways-ը հայտարարել է չվերթների թվի կրճատման մասին և չի բացառել սնանկացման ռիսկը, եթե իր ֆինանսական վիճակը չբարելավվի, հաղորդում է Georgia Online-ը։
Ըստ փոխադրողի ներկայացուցչի՝ ճգնաժամի հիմնական պատճառներն են եղել ավիացիոն վառելիքի գնի կտրուկ աճը և ընկերության տնտեսական ցուցանիշների վատթարացումը։ Ավիաընկերությունը նախատեսում է հիմնականում կրճատել ոչ այնքան պահանջարկ ունեցող երթուղիները։
Ընկերությունը նշում է, որ իրավիճակն արդեն մոտ է կրիտիկականին. «Մենք կարող ենք իրականացնել ևս մոտ 100 չվերթ, բայց 101-րդը կարող է չկայանալ։ Եթե ոչինչ չփոխվի, ավիաընկերությունը կարող է սնանկության գործընթաց սկսել»։
Georgian Airways-ը խորհրդակցում է Վրաստանի կառավարության հետ և հույս ունի աջակցություն ստանալ, որը, նրանց կարծիքով, թույլ կտա կայունացնել գործունեությունը և պահպանել թռիչքների բնականոն գործունեությունը։