Որոշել են Եվրոպային պատժել
Sat, 02 May 2026 19:00:59 +0400
Ամերիկյան գործող վարչակազմի՝ վերջին մի քանի օրերի գործողությունները հաստատում են այն վարկածը, որ Սպիտակ տանը որոշել են ոչ թե համագործակցել Եվրոպայի հետ, այլ պատժել՝ Ուկրաինական հակամարտությունից՝ ուշադրության առանցքը Իրանական հակամարտության վրա տեղափոխելուն զուգընթաց։ Այս մասին հայտնում է Politico պարբերականը։
Համաձայն հոդվածի, նախագահ Թրամփը հիմնականում ուշադրության կենտրոնում այլեւս չի պահում Ուկրաինական հակամարտության հետ կապված զարգացումները եւ ավելի կենտրոնացած է Իրանի վրա։ Ընդ որում, ԱՄՆ նախագահի դժգոհությունը եվրոպական ՆԱՏՕ-ի անդամ երկրների հանդեպ գալիս է Իրանի դեմ իր ձեռնարկած արշավին նրանց չմիանալու պատճառով։
Գերմանիայի կանցլեր Ֆրիդրիխ Մերցին ուղղված Թրամփի քննադատությունը, Գերմանիայում ամերիկյան ռազմական ներկայության կրճատման որոշումը, օրեր առաջ՝ ՌԴ նախագահ Վ․ Պուտինի հետ ունեցած հեռախոսազրույցը վկայում է այն մասին, որ Թրամփը այժմ փորձում է պատժել Եվրոպային, եւ ոչ թե համագործակցել։ Եվրոպայում կարծես թե հաշտվել են այդ իրականության հետ եւ նույնիսկ որոշներ՝ հարմարվել, որ ապրելու են նման իրավիճակում՝ առաջիկա տեսանելի ապագայում։