Իրանական հակամարտությունը ռազմական լուծում չունի․ Աբաս Արաղչի

Tue, 05 May 2026 19:00:12 +0400

Հորմուզի նեղուցում ստեղծված իրավիճակը կրկին ցույց տվեց, որ քաղաքական ճգնաժամը չի կարող կարգավորվել ռազմական եղանակով։ Այս մասին հայտարարել է Իրանի ԱԳ նախարար Աբաս Արաղչին։ Սոցկայքի իր էջում հրապարակած գրառմամբ՝ նախարար Արաղչին ասել է, որ Պակիստանի միջնորդությամբ իրականացվող ամերիկա-իրանական բանակցություններում արձանագրված դրական առաջընթացի ֆոնին՝ Միացյալ Նահանգները չպետք է թույլ տա, որ չարակամները կրկին Վաշինգտոնին ներքաշեն ձգձգվող հակամարտության մեջ։

Համանման հայտարարություն Արաղչին արել էր նաեւ ուղղված ԱՄԷ-ին։ Իրանական պետության արտաքին քաղաքական գերատեսչության ղեկավարը քննադատել էր «Ազատության նախագիծը», որը իրականացնում է Միացյալ Նահանգները՝ Հորմուզի նեղուցում այլ երկրների արգելափակված նավերի «ազատագրման» համար եւ ասել է, որ այդ նախագիծը վերածվել է «փակուղու»։