Վալիդատորը մերժեց Փաշինյանին

Mon, 11 May 2026 11:34:57 +0400

Քարոզարշավի շրջանակում Նիկոլ Փաշինյանը այսօր Երևանի քաղաքապետ Տիգրան Ավինյանի հետ այցելել է մետրոպոլիտեն՝ ներկայացնելու և հանրայնացնելու մայրաքաղաքում ներդրված նոր վճարային համակարգը։

Սակայն ուղևորության ընթացքում վարչապետը բախվել է տեխնիկական խնդրի։ Վճարում կատարելու փորձի ժամանակ նա մի քանի անգամ բանկային քարտը մոտեցրել է վալիդատորին, սակայն համակարգը մերժել է գործարքը։ Փաշինյանը նախ հետաքրքրվել է մերժման պատճառներով, ապա նշել, թե հնարավոր է քարտը սխալ հատվածում է մոտեցրել սարքին, սակայն կրկնակի փորձից հետո ևս վճարումը չի հաջողվել։