Աջափնյակ ոստիկանական մեծաթիվ ուժեր են բերվել

Thu, 14 May 2026 14:54:09 +0400

Ակտիվիստ Արսեն Նիկողոսյանը հրապարակել է տեսանյութ և դրան կից հանդես եկել քննադատական արձագանքով։

Նա նշել է, որ Աջափնյակում ընթացող իշխանության նախընտրական քարոզարշավը կրկին անցկացվում է ոստիկանության մեծաթիվ ներկայությամբ և ուղեկցությամբ։ Նիկողոսյանի գնահատմամբ՝ նման պատկերն արդեն չի սահմանափակվում սովորական անվտանգության միջոցառումների շրջանակով և կարող է դիտարկվել որպես պետական ռեսուրսների ակնհայտ չարաշահում։

Ակտիվիստը նաև ընդգծել է, որ երբ իշխանությունը, որը հանդես է գալիս ժողովրդի անունից, այդքան մեծ ուժային ներկայությամբ է ապահովում իր միջոցառումները, դա կարող է վկայել հասարակության նկատմամբ վստահության պակասի և խորքային խնդիրների մասին։