Քաղաքացին 6 միլիոն դրամ է պահանջում Ալեն Սիմոնյանից

Fri, 15 May 2026 17:15:08 +0400

«Հրապարակ»-ի տեղեկություններով՝ Նոր Կյուրին գյուղի բնակիչ Ռիտա Ղազարյանը դատի է տվել Ազգային ժողովի նախագահ Ալեն Սիմոնյանին։ 60-ամյա կինը Ալեն Սիմոնյանից պահանջում է 6 միլիոն դրամ՝ որպես վնասի փոխհատուցում։ Ի՞նչ վնասի մասին է խոսքը, փորձեցինք ճշտել կնոջից, սակայն նրա հեռախոսահամարն անջատված էր։

Նոր Կյուրինի վարչական ղեկավար Մյասնիկ Գրիգորյանն ասաց՝ տեղյակ չէ, կնոջից էլ կոնտակտ չունի, ավելացրեց՝ Ռիտան «բոլորի վրա» հաղորդումներ է տալիս։ Ըստ ամենայնի, զրպարտության համար է հայցը, Քաղաքացիական օրենքգիրքը զրպարտության հետ կապված բարոյական վնասի փոխհատուցումն է միայն 6 միլիոն սահմանել։