Հետաքրքիր է՝ ի՞նչ պատճառաբանությամբ են հրաժարվելու վարույթ նախաձեռնել

Tue, 19 May 2026 11:32:28 +0400

Իրավաբանական գիտությունների դոկտոր, պրոֆեսոր Արթուր Ղամբարյանը անդրադարձել է վարչապետ Նիկոլ Փաշինյանի և բժշկուհու միջև տեղի ունեցած միջադեպին՝ հայտարարելով, որ վարչապետի պահվածքը, իր գնահատմամբ, կարող է պարունակել ՀՀ քրեական օրենսգրքի 329-րդ հոդվածով նախատեսված՝ ատելության հրապարակային խոսքի հատկանիշներ։

Նա նշել է, որ իրավաբանական համայնքը, կարծես, հաշտվել է այն մտքի հետ, թե բարձրաստիճան պաշտոնյաները դուրս են քրեական իրավունքի ազդեցությունից։ Ղամբարյանը նաև հարց է բարձրացրել, թե ինչ հիմնավորմամբ իրավապահ մարմինները կարող են հրաժարվել քրեական վարույթ նախաձեռնելուց։

Իրավաբանի կարծիքով՝ հնարավոր է ներկայացվեն հիմնավորումներ այն մասին, թե բացակայում է հանցակազմը, դիտավորությունը կամ դեպքը դիտարկվի որպես քաղաքական խոսք։ Միաժամանակ նա ցավ է հայտնել, որ մարդու իրավունքների պաշտպանությամբ զբաղվող պետական և իրավական կառույցները մինչ այժմ հասցեական արձագանք չեն տվել մասնավոր անձի նկատմամբ հնչած այս դեպքին։