Amnesty International իրավապաշտպան կազմակերպությունը հրապարակել է ամենամյա զեկույց՝ աշխարհի տարբեր երկրներում իրականացված մահապատիժների մասին։ Համաձայն այդ զեկույցի, 78 տոկոսով ավելացել է աշխարհում իրականացվող մահապատիժների թիվը։ Անցյալ տարվա տվյալներով՝ աշխարհի տարբեր երկրներում իրականացվել է 2707 մահապատիժ։

Դա ամենաբարձր ցուցանիշն է 1981 թվականից սկսած։ Այդ աճը պայմանավորված է հիմնականում մի քանի երկրների գործողություններով, որոնք այս պատժատեսակը կիրառում են որպես վախեցնելու գործիք։ Առաջին հերթին այդ երկրների ցանկից պետք է հիշատակել Չինաստանից, հետո արդեն՝ Իրանին եւ Սաուդյան Արաբիային։ Ամենաշատ մահապատիժները, ըստ կայացված դատական ակտերի, իրականացվել է թմրանյութերի հետ կապված հանցատեսակների պարագայում։Միաժամանակ, աշխարհի պետությունների 2/3-րդը օրենսդրորեն կամ պրակտիկայում չեղարկել են մահապատիժը որպես պատիժի բարձրագույն տեսակ։ 2025 թվականին Իրանում իրականացվել է 2159 մահապատիժ, Միացյալ Նահանգներում՝ 47, Սինգապուրում՝ 17, Եգիպտոսում՝ 23, Քուվեյթում 17 եւ Սաուդյան Արաբիայում՝ 356 մահապատիժ։ Թե քանի մահապատիժ է իրականացվել Չինաստանում, հայտնի չէ, որովհետեւ այնտեղ այդ թվերը գատնիացված են։ Amnesty International-ի աշխատակիցները սակայն կարծում են, որ Չինաստանում տարեկան իրականացվում է ավելի քան հազար մահապատիժ։